Framþróun bílanna lykill að meistaratitlunum tveimur

Martin Whitmarsh yfirmaður McLaren sem vann tvöfaldan sigur um helgina segir að stöðug framþróun keppnisbílanna sé lykillinn að því að halda forystunni í stigamóti ökumanna og bílasmiða út árið. Lewis Hamilton og Jenson Button hjá McLaren eru í fyrsta og öðru sæti í stigamóti ökumanna og McLaren er með forysttu í stigamóti bílsmiða eftir tvöfaldan sigur í gær. "Við erum reyndir í titilbaráttunni og höfum keppt af kappi um titla áður og höfum meiri reynslu en Red Bull hvað það varðar. En við vanmetum andstæðinginn ekki og verðum að gæta þess að þróa bílinn, því að þeir eiga eftir að svara fyrir sig", sagði Whitmarsh í spjalli á autosport.com í dag. "Ef við framþróum ekki bílinn, verðum við ekki meistarar. Við reynum að bæta bílinn um 0.15-0.25 sekúndur í hverju móti. Svo mætum við með nokkuð breyttan bíl á Silverstone mótið." "Báðir ökumenn okkar vita hvað slagurinn er harður um titilinn og við erum allir staðráðnir í að halda áfram að vinna mót. En við tökum eitt mót í einu, en höfum unnið tvö mót í röð. Við mætum í næsta mót í Valencia með það í huga að halda okkar skriði." Whitmarsh telur að sumir ökumenn og liði hafi veðjað á ranga notkun á dekkjum í mótinu í gær og dekkjaval McLaren hafi verið lykillin að tvöföldum sigri. "Báðir ökumenn óku vel og liðið tók réttar ákvarðnir varðandi keppniáætlun. Þetta var ánægjulegt fyrir liðið. Það er mikil spenna í gangi og allt getur farið forgörðum á augnabliki", sagði Whitmarsh, sáttu við sína menn.