Julia Stiles segist vera saklaus

Leikkonan Julia Stiles hefur sent frá sér tilkynningu þar sem hún þvertekur fyrir að hafa átt í ástarsambandi við mótleikara sinn úr sjónvarpsþáttunum Dexter, Michael C. Hall.

Samkvæmt heimildum áttu Stiles og Hall að hafa fallið fyrir hvort öðru á tökustað og svo eytt hrekkjavöku saman.

„Ég hef ekkert með skilnað Michaels og Jennifer að gera. Við erum góðir vinir og nutum þess að vinna saman. Þetta er þeirra persónulega mál og fólk ætti að sýna því virðingu," sagði leikkonan um málið.