McLaren leggur allt í sölurnar fyrir lokasprettinn

Jonathan Neale, framkvæmdarstjóri McLaren Formúlu 1 liðsins segir að liðið muni leggja allt í sölurnar hvað tæknilegu hliðina varðar fyrir síðustu mótin á þessu ári.

McLaren hefur aðeins landað 80 stigum í síðustu fimm mótum á meðan Red Bull hefur náð 136 og Ferrari 153, en Lewis Hamilton er í þriðja sæti í stigamóti ökumanna og Jenson Button því fimmta. Hamilton lenti í árekstri við Mark Webber í síðustu keppni og féll úr leik.

"Lewis var óheppinn eftir samstuð og auðvitað vorum við svekktir og ekki síst Lewis. En svona keppir hann, af hörku og það er það sem gerir hann að frábærum kappakstursmanni. Hann mun ná árangri", sagði Neale.

"'Ég tel að staðreyndirnar tali sínu máli varðandi Singapúr. Lewis átti aksturslínuna og ef Mark Webber hefði ekki snert hann, þá hefði hann sloppið gegnum beygjuna án vandræða. Svona eru akstursíþróttir. Lewis mun læra á þessu og meta aðstæður.

McLaren mun mæta með endurbættan bíl á Susuka brautina í Japan um helgina.

Neale sagði að McLaren myndi tjalda til öllu mögulegu til að auka möguleika Hamiltons og Buttons og telur að bíllinn hafi verið betri í Singapúr, í síðustu keppni en í mótunum á undan.

Neale telur mikilvægt að ökumenn haldi haus og að taugarnar verði í lagi í síðustu mótunum.

"Við komum til með að prófa ýmislegt á föstudagsæfingunum og verðum þá betur settir með að ákveða hvaða hluti við notum. Við tökum allt sem við höfum í Singapúr og sitthvað fleira", sagði Neal. McLaren mætir með breyttan fram og afturvæng, auk annara nýjunga sem liðið ætlar að prófa.

Sýnt verður frá æfingum keppnisliða á föstudag á Stöð 2 Sport að venju, auk annarra útsendinga um mótshelgina, en beinar útsendingar eru að næturlagi en endursýningar morgunin eftir.

Stigastaðan 1. Mark Webber 202 stig, 2. Fernando Alonso 191, 3. Lewis Hamilton 182, 4. Sebastian Vettel 181, 5. Jenson Button 177.