Haukakonur einu stigi yfir í hálfleik á móti Keflavík

Lið Hauka og Keflavíkur hafa skipt ítrekað á að hafa forustuna í úrslitaleik Subwaybikars kvenna í Laugardalshöllinni í dag. Haukar eru með eins stigs forustu í hálfleik, 46-45, eftir að Keflavík var einu stigi eftir fyrsta leikhlutann, 19-20.

Heather Ezell kom Haukum yfir með lokakörfu leikhlutan og er langatkvæðmest hjá þeim með 13 stig, 6 stoðsendingar og 5 fráköst. María Lin Sigurðardóttir hefur átt frábæra innkomu með 9s tigum og 4 fráköstum og Kiki Lund er með 9 stig og 3 stoðsendingar. Haukarnir hafa farið langt á því að taka 11 sóknarfráköst í fyrri hálfleiknum.

Bryndís Guðmundsdóttir er stigahæst hjá Keflavík með 15 stig og þær Birna Valgarðsdóttir og Kristi Smith hafa báðar skorað 12 stig.

Liðin skiptust ellefu sinnum á því að hafa forustuna í fyrri hálfleik og níu sinnum var jafnt.