Valsmenn héldu hreinu í framlengingunni og eru komnir í úrslit

Valsmenn tryggðu sér sæti í úrslitaeinvíginu um Íslandsmeistaratiitlinn í N1 deild karla í handbolta með 30-26 sigri á Akureyri í framlengdum oddaleik í Vodafone-höllinni að Hlíðarenda. Staðan var 26-26 eftir venjulegan leiktíma en Hlynur Morthens, markvörður Vals, fór á kostum í framlengingunni og hélt marki sínu hreinu.

Akureyri var 15-14 yfir í hálfleik en Valsmenn tóku frumkvæðið í seinni hálfleik og náðu mest þriggja marka forskoti. Norðanmenn gáfust þó ekki upp og Jónatan Þór Magnússon tryggði liðinu framlengingu tveimur sekúndum fyrir leikslok.

Valsmenn mæta Haukum í úrslitaeinvíginu annað árið í röð en Haukar unnu einvígið 3-1 í fyrra og tryggðu sér þá titilinn með því að vinna fjórða leikinn í Vodafone-höllinni.

Valur-Akureyri 30-26 (14-15) (26-26 eftir 60 mín.)

Mörk Vals (skot): Elvar Friðriksson 8 (15/1), Fannar Þór Friðgeirsson 7/1 (17/1), Arnór Þór Gunnarsson 7/4 (12/6), Sigfús Páll Sigurðsson 3 (5), Jón Björgvin Pétursson 1 (1), Orri Freyr Gíslason 1 (1), Gunnar Ingi Jóhannsson 1 (1), Baldvin Þorsteinsson 1 (3), Sigurður Eggertsson 1 (7).

Varin skot: Hlynur Morthens 19 skot varin. Ingvar Guðmundsson 2 varin víti.

Hraðaupphlaup: 6 (Arnór, Gunnar, Jón, Baldvin, Elvar, Orri)

Fiskuð víti: 8 (Sigfús Páll 3, Orri 2, Sigurður 2, Baldvin)

Utan vallar: 8 mín.

Mörk Akureyris (skot): Oddur Grétarsson 9/5 (10/6), Heimir Örn Árnason 6 (12), Guðmundur Hólmar Helgason 3 (7), Hörður Fannar Sigþórsson 2 (3), Jónatan Þór Magnússon 2 (7/1), Árni Þór Sigtryggsson 2 (9), Hreinn Þór Hauksson 1 (1), Geir Guðmundsson 1 (1).

Varin skot: Hörður Flóki Ólafsson 1 skot varið. Hafþór Einarsson 15/3 skot varin.

Hraðaupphlaup: 2 (Oddur, Árni)

Fiskuð víti: 7 (Hörður 3, Heimir 2, Oddur, Hreinn)

Utan vallar: 6 mín.