Stefán Már á toppnum fyrir lokahringinn

Stefán Már Stefánsson úr Golfklúbbi Reykjavíkur er í efsta sæti á karlaflokki á Íslandsmótinu í höggleik en lokahringurinn verður leikinn á morgun. Stefán lék á 69 höggum í dag og er samtals á pari vallarins.

Ólafur Björn Loftsson úr Nesklúbbnum er í öðru sæti á höggi yfir pari og Heiðar Davíð Bragason og Sigmundur Einar Másson koma þar á eftir á sex höggum yfir pari.

Stefán, Ólafur og Heiðar verða í síðasta ráshópnum á morgun. Stefán, Heiðar og Axel Bóasson léku allir á 69 höggum í dag sem eru bestu einstöku hringirnir það sem af er móti.

Það var mikil spenna á hringnum í dag. Stefán og Ólafur voru jafnir fyrir lokaholuna í dag, en Ólafur átti þá slæmt teighögg þar sem hann endaði vinstra meginn utan brautar og fékk skolla á meðan Stefán fékk öruggt par. Það stefnir því í spennandi einvígi milli þeirra á morgun þó svo að ekki sé hægt að afskrifa aðra kylfinga.

Staða efstu kylfinga eftir þrjá hringi hjá körlunum

1. Stefán Már Stefánsson GR 71 73 69 Par

2. Ólafur Björn Loftsson NK 72 70 72 +1

3. Heiðar Davíð Bragason GR 72 78 69 +6

4. Sigmundur Einar Másson GKG 74 72 73 +6

5. Björgvin Sigurbergsson GK 73 78 70 +8

6. Andri Þór Björnsson GR 73 77 71 +8

7. Guðmundur Ágúst Kristjánsson GR 72 78 73 +10

8. Guðmundur Rúnar Hallgrímsson GS 74 76 73 +10