Guðný og Erna aftur inn í landsliðið

Sigurður Ragnar Eyjólfsson, landsliðsþjálfari A-landsliðs kvenna, hefur valið hópinn fyrir Algarve-bikarinn. Landsliðið heldur til Portúgals á mánudaginn. Ísland er í riðli með Noregi, Bandaríkjunum og Danmörku.

Sigurður Ragnar hefur valið 20 leikmenn í þetta verkefni en fyrsti leikurinn verður gegn Noregi, miðvikudaginn 4. mars. Bandaríkin verða mótherjarnir föstudaginn 6. mars og íslensku stelpurnar spila síðan síðasta leikinn í riðlinum á móti Danmörku mánudaginn 9. mars. Allir leikirnir hefjast kl. 15:00 að íslenskum tíma. Það verður síðan leikið um sæti miðvikudaginn 11. mars.

Tveir leikmenn koma nú aftur inn í landsliðið eftir erfið krossbandameiðsli en það eru þær Guðný Björk Óðinsdóttir og Erna Björk Sigurðardóttir sem báðar léku síðast með landsliðinu árið 2007. Erna Björk sleit krossbönd í þriðja sinn á ferlinum í apríl 2007 en Guðný sleit krossbönd í hné ári síðar.

Helmingur landsliðshópsins spilar með erlendum liðum en af íslensku félögunum þá eiga Valsmenn flesta leikmenn eða fjóra en þrír leikmenn koma síðan frá bæði Breiðabliki og KR.

Landsliðshópurinn sem er á leiðinni til Algarve

Markmenn

Guðbjörg Gunnarsdóttir Djurgården (9 landsleikir)

María Björg Ágústsdóttir KR (10 landsleikir)

Varnarmenn

Katrín Jónsdóttir, Valur (78 landsleikir, 12 mörk)

Guðrún Sóley Gunnarsdóttir KR (54 landsleikir, 1 mark)

Ásta Árnadóttir Tyresö FF (31 landsleikur)

Ólína Guðbjörg Viðarsdóttir KIF Örebro DFF (23 landsleikir)

Sif Atladóttir Valur (8 landsleikir)

Miðjumenn

Edda Garðarsdóttir KIF Örebro DFF (64 landsleikir, 2 mörk)

Dóra María Lárusdóttir Valur (40 landsleikir, 9 mörk)

Dóra Stefánsdóttir LdB FC Malmö (37 landsleikir, 3 mörk)

Hólmfríður Magnúsdóttir Kristianstads DFF (36 landsleikir, 9 mörk)

Erla Steina Arnardóttir Kristianstads DFF (31 landsleikur, 2 mörk)

Erna Björk Sigurðardóttir Breiðablik (21 landsleikur)

Katrín Ómarsdóttir KR (19 landsleikir, 3 mörk)

Guðný Björk Óðinsdóttir Kristianstads DFF (13 landsleikir)

Sara Björk Gunnarsdóttir Breiðablik (13 landsleikir, 3 mörk)

Rakel Hönnudóttir Bröndby IF (9 landsleikir, 1 mark)

Hallbera Guðný Gísladóttir Valur 140986 (6 landsleikir)

Framherjar

Margrét Lára Viðarsdóttir Linköpings FC (46 landsleikir, 43 mörk)

Harpa Þorsteinsdóttir Breiðablik (10 landsleikir)