Reyndu að lemja fyrrum forseta Real Madrid

Ramon Calderon, fyrrum forseti Real Madrid, komst í hann krappann á útihátíð á dögunum. Um 20 manna hópur ungmenna sá hver þar var á ferð og jós fúkyrðum yfir Calderon.

Var öskrað að Calderon að hann hefði eyðilagt Real Madrid. Svo mikill var hasarinn orðinn í ungmennunum að Calderon varð að hlaupa undan þeim áður hann yrði hreinlega laminn.

Hópur annarra ungmenna skaut síðan skjólshúsi yfir gamla forsetann og var með hann í felum á meðan hin æstu ungmenni leituðu að honum.