Fótbolti

Panucci tryggði Roma dramatískan sigur

Henry Birgir Gunnarsson skrifar
Christian Panucci.
Christian Panucci. Nordic Photos/Getty Images

Roma vann heldur betur dramatískan sigur á Catania í ítalska boltanum í dag. Það var gamla brýnið Christian Panucci sem skoraði sigurmarkið á lokamínútu leiksins en Roma vann 4-3.

Roma komst í 1-0 þökk sé Simone Perrotta sem skoraði tvö mörk fyrir Roma í dag.

Catania jafnaði en Roma svaraði með tveim mörkum og virtist vera að sigla sigrinum í örugga höfn.

Catania neitaði gefast upp og jafnaði leikinn. Það var fátt sem benti til annars en að leiknum myndi lykta með jafntefli þegar Panucci steig upp og skoraði sigurmarkið.

Ítalski boltinn

Mest lesið


Fleiri fréttir

Sjá meira


×

Mest lesið