Theodór Elmar í Gautaborg

Theodór Elmar Bjarnason hefur yfirgefið herbúðir norska liðsins Lyn og samið við sænska liðið Gautaborg. Frá þessu er greint á heimasíðu Gautaborgar en samningur leikmannsins er til 2012.

Lyn á í miklum fjárhagsörðugleikum eins og fram hefur komið í fjölmiðlum og er í botnsæti norsku úrvalsdeildarinnar. Gautaborg trjónir hinsvegar á toppi sænsku úrvalsdeildarinnar en með liðinu leika Ragnar Sigurðsson og Hjálmar Jónsson.

Theodór Elmar er fæddur 1987 en hann hóf feril sinn hjá KR áður en hann samdi við skoska liðið Glasgow Rangers. Þaðan hélt hann síðan til Lyn.