Messi: Við óttumst ekki Inter

Lionel Messi er klár á því að Barcelona verði of stór biti fyrir Inter er liðin mætast í gríðarlega mikilvægum leik í Meistaradeildinni.

„Við munum sigra," sagði Messi fullur sjálfstrausts við ítalska fjölmiðla.

„Inter frábært lið og við munum þurfa að spila okkar besta bolta. Við megum ekki við því að misstíga okkur. Við berum virðingu fyrir Inter en við erum svo sannarlega ekki hræddir við þá."

Mikil spenna er í F-riðlinum þar sem Inter trónir á toppnum með sex stig en Barcelona og Rubin Kazan koma rétt á eftir með fimm stig.