Áttuðu sig á starfi litninga

Þrír Bandaríkjamenn fá Nóbelsverðlaunin í læknisfræði í ár fyrir að hafa fundið skýringar á því hvernig litningar halda sér ósködduðum þegar frumur skiptast.

Verðlaunahafarnir eru Elizabeth H. Blackburn, Carol W. Greider og Jack W. Szostak, en þetta er í fyrsta sinn sem tvær konur eru meðal verðlaunahafa í læknisfræði.

Verðlaunin verða afhent í Stokkhólmi hinn 10. desember.

Í dag verður tilkynnt hverjir fá Nóbelsverðlaun í eðlisfræði, á morgun efnafræði, á fimmtudag í bókmenntum og á föstudag hverjir hljóta friðarverðlaunin í ár.