Magnús Lárusson var í stuði á seinni deginum

Magnús Lárusson úr Kili tryggði sér sigur á fyrsta stigamóti íslensku mótaraðarinnar sem fram fór á Hólmsvelli í Leiru. Magnús Lárusson spilaði seinni daginn á 69 höggum eða þremur höggum undir pari.

Magnús Lárusson úr GKj lauk leik á 140 höggum eftir 36 holur eða fjögur undir pari. Annar varð Axel Bóasson GK hann lék á 141 höggi og þriðji varð heimamaðurinn Örn Ævar Hjartason GS.

Það var mikil spenna undir lokin því Magnús lauk keppni á undan síðasta hollinu. Þegar þeir Axel og Örn Ævar komu inn á síðustu holuna gátu þeir jafnað við Magnús. Það tókst þó ekki og Magnús fagnaði sigri.

Lokastaðan á fyrsta stigamótinu:

1. Magnús Lárusson, GKJ 140 (-4)

2. Axel Bóasson, GK 141 (-3)

3. Örn Ævar Hjartarson, GS 142 (-2)

4. Björgvin Sigurbergsson, GK 144 (Par)

5. Sigurpáll Geir Sveinsson, GKJ 145 (+1)

5. Sigurþór Jónsson, GR 145 (+1)

5. Kristján Þór Einarsson GKJ 145 (+1)

5. Alfreð Brynjar Kristinsson GKG 145 (+1)

9. Ólafur Björn Loftsson, NK 146 (+2)

10. Helgi Birkir Þórisson, GSE 147 (+3)

10. Sigmundur Einar Másson, GKG 147 (+3)

10. Helgi Dan Steinsson, GL 147 (+3)

10. Sigurður Pétursson, GR 147 (+3)