Song búinn að skrifa undir samning til ársins 2014

Alexandre Song er í framtíðarplönum Arsene Wenger hjá Arsenal því þessi 22 ára Kamerúnmaður skrifaði í gær undir nýjan langtímasamning sem heldur honum hjá Lundúnafélaginu til ársins 2014. Song hefur verið fastamaður hjá Arsenal á þessu tímabili og byrjað inn á í 18 af 23 leikjum liðsins.

„Hann er mikilvægur leikmaður og hann verður að minnsta kosti hjá okkur í fjögur ár til viðbótar," sagði Arsene Wenger um Song sem er þriðji leikmaðurinn til að skrifa undir langtíma samning við liðið en hinir eru Eduardo og átján ára vængmaður að nafni Sanchez Watt.

Alexandre Song leikur sem varnartengiliður og spilar stórt hlutverk á bak við Spánverjann Cesc Fabregas. Hann er einnig fastamaður í landsliðið Kamerún sem er á leiðina á HM í Suður-Afríku.