Button svarar gagnrýni á liðsskiptin

Jenson Button hefur lengið undir nokkru ámæli fyrir aðferðarfræði sína og umboðsmanna vegna samningagerðar við McLaren eftir að hafa unnið titilinn. Hann þykir hafa staðið heldur klaufalega að málum. Í annað skiptið á ferlinum.

En Button telur, burtséð frá því hvernig tilkynnt var og gengið var frá málinu að hann hafi tekið rétta ákvörðun. Button hafði verið sjö ár hjá liðið sem var byggt upp af Honda liðinu á einn eða annan hátt. Ross Brawn bjargaði liðinu frá gjaldþroti í upphafi ársins og gerði Button og lið sitt að meisturum á fyrsta ári. Mercedes keypti liðið í vikunni, en Button ákvað að yfirgefa skútuna.

"Ákvörðun mín var 100% í þá átt að fara til McLaren. Vissulega var erfitt að skilja við Brawn. Ég átti sérlega góð samskipti við Ross Brawn upp á síðkastið og það tók andlega á að taka þessa ákvörðun. En ég þurfti ný viðfangsefni og að keppa við Lewis Hamilton á samskonar bíl er nákvæmlega það sem ég þurfti", sagði Button í samtali við BBC í dag.

Sjá meira