Materazzi og Vieira sagðir bálreiðir

Þeir Marco Materazzi og Patrick Vieira eru sagðir bálreiðir yfir þeirri ákvörðun Jose Mourinho, knattspyrnustjóra Inter, að velja þá ekki í leikmannahópinn fyrir leikinn gegn Manchester United í Meistaradeild Evrópu í kvöld.

Vieira er sagður vera sérstaklega vonsvikinn vegna þessa en hann hélt þó ró sinni í viðtali við L'Equipe í Frakklandi.

„Þetta er ákvörðun sem þjálfarinn tók. Hins vegar kom þetta mér mjög á óvart. Ég hélt að ég myndi spila gegn United þar sem ég var valinn í síðustu tvo leiki."