Ronaldo: Við erum stórkostlegt lið

Cristiano Ronaldo var borubrattur og bjartsýnn fyrir síðari leikinn gegn Inter þó svo United hafi ekki náð að skora mikilvægt útivallarmark.

„Við vorum betri en Inter að mínu mati. Sköpuðum fleiri færi en náðum því miður ekki að skora. Við eigum samt síðari leikinn heima og þar eigum við betri möguleika á sigri. Það er alltaf erfitt að spila hérna en við sýndum að við erum stórkostlegt lið og áttum skilið að sigra," sagði Ronaldo.

„Við hefðum samt átt að nýta eitthvað af þessum færum og koma okkur í betri stöðu fyrir síðari leikinn. Jafntefli hér á þessum velli er samt fín úrslit."