GR og GKG spila til úrslita í Sveitakeppni karla í golfi

Golfklúbbur Reykjavíkur mætir Golfklúbbi Kópavogs og Garðabæjar í úrslitaleik Sveitakeppninnar í golfi sem fram fer á Jaðarsvelli á Akureyri um helgina. GR vann 3-2 sigur á Golfklúbbi Kjalar í undanúrslitunum en GKG vann 3-2 sigur á Keilismönnum í hinum undanúrslitaleiknum. GR og GKG unnu líka bæði sinn riðil í riðlakeppninni.

Golfklúbburinn Keilir er núverandi sveitameistari þannig að það er ljóst að nýir meistarar verða krýndir í dag. Golfklúbbur Kópavogs og Garðabæjar vann síðast árið 2007 en það eru sex ár síðan Golfkúbbur Reykjavíkur vann sveitakeppnina.

Í úrslitaleiknum í dag mætast eftirtaldi kylfingar:

Alfreð B. Kristinsson, GKG mætir Birgi Guðjónssyni, GR

Starkaður Sigurðsson, GKG mætir Stefáni Má Stefánssynir, GR

Birgir Leifur Hafþórsson, GKG mætir Ottó Sigurðssynir, GR

Sigmundur Einar Másson, GKG mætir Þórði R. Gissurarsyni, GR

Kjartan D. Kjartansson og Guðjón H. Hilmarsson úr GKG mæta Arnóri I. Finnbjörnssyni og Arnari S. Hákonarsyni úr GR í fjórmenningi.

Keppni í 1. deild kvenna fer fram Garðavelli og þar mætast Golfkúbbur Reykjavíkur og Golfklúbburinn Keilir í úrslitaleiknum en Golfklúbburinn Oddur og Golfklúbburinn Kjölur spila um 3. sætið.