Snæfell fær Lucious Wagner

Vefsíðan karfan.is greinir frá því í dag að Snæfell hafi gert munnlegt samkomulag við bandaríska leikstjórnandann Lucious Wagner. Leikmaðurinn lék með Hlyni Bæringssyni og Sigurði Þorvaldssyni í Hollandi á sínum tíma.

Wagner lék síðast í Líbanon og kemur þaðan til Íslands. „Hann er hávaxinn af leikstjórnanda að vera, og vonandi náum við að bæta vörnina enn frekar hjá okkur með honum. Hans hlutverk verður að stjórna spilinu en vera á sama tíma ógnandi, verður að finna þennan gullna meðalveg að skora sjálfur og finna okkur hina," sagði Hlynur við karfan.is. 

„Þetta styrkir liðið óneitanlega en við gerum okkur alveg grein fyrir því að hann vinnur ekkert einn og sér. En vonandi hjálpar hann," sagði Hlynur. Snæfell er sem stendur í fjórða sæti deildarinnar.