Adriano aftur í hundakofann?

Ítalska blaðið Corriere Dello Sport greinir frá því í dag að framherjinn skemmtanalglaði Adriano sé nú enn og aftur kominn í hundakofann hjá Jose Mourinho þjálfara eftir að hafa farið út á lífið í leyfisleysi.

Samningur Brasilíumannsins við Inter rennur út á næsta ári en félagið hefur til þessa ekki kært sig um að framlengja við leikmanninn.

Ef satt reynist að framherjinn hafi brotið reglur Mourinho, verður að teljast ólíklegt að hann eigi framtíð fyrir sér hjá Inter, en ítalska blaðið fullyrðir að AC Milan hafi hug á því að fá hann í sínar raðir ef grannarnir láta hann fara.