Meiri líkur en minni að Benzema verði áfram hjá Lyon

Framherjinn Karim Benzema hjá Lyon er á meðal eftirsóttustu leikmanna heims um þessar mundir en franski landsliðsmaðurinn er orðaður við stórfélög á borð við Manchester United, Manchester City, Chelsea, Real Madrid og Barcelona.

Benzema hefur sjálfur sagst vera tilbúinn að vera áfram hjá Lyon en forseti félagsins viðurkennir að hann sé á báðum áttum yfir framtíð leikmannsins.

„Karim hefur sagt að hann vilji vera áfram og það eru vissulega góð tíðindi fyrir Lyon. Það hefur hins vegar sýnt sig á undanförnum vikum með kaupunum á Kaka og Cristiano Ronaldo að allir leikmenn hafa sinn verðmiða þegar fyrirbæri eins og Real Madrid er annars vegar. Eins og staðan er núna, þá tel ég hins vegar vera meiri líkur en minni á því að Benzema verði áfram hjá Lyon," segir Jean-Michel Aulas forseti Lyon í samtali við L'Equipe í dag.