Verðum að klóna miðjumenn Barcelona

Luis Enrique, fyrrum leikmaður og núverandi þjálfari hjá Barcelona, líkir spilamennsku liðsins í 6-2 sigrinum á Real Madrid um helgina við knattspyrnulega fullnægingu.

Enrique segist eiga von á frekari sýningu annað kvöld þegar Barcelona sækir Chelsea heim í síðari leik liðanna í undanúrslitum Meistaradeildarinnar, en fyrri leiknum lauk með 0-0 jafntefli á Spáni.

"Það er frábært að vera stuðningsmaður Barcelona í dag. Leikurinn á laugardaginn var knattspyrnuleg fullnæging. Það var listrænt að spila svona á útivelli gegn erkifjendunum og ég hef aldrei séð lið spila svona vel," sagði Enrique.

"Ef ég gæti það, myndi ég klóna þá Xavi, Andres Iniesta og Leo Messi svo við gætum kallað þá til ef við lendum í vandræðum í framtíðinni," sagði Enrique.