Hlær McLaren liðið meira á betri bíl?

Afhroð McLaren í Formúlu 1 mótum ársins hafa verið algjör og Lewis Hamilton hefur ekki verið á verðlaunapalli á árinu, sjálfur heimsmeistarinn. McLaren menn hafa ákveðið að breyta um taktík hvað varðarn undirbúning bílanna fyrir næstu mót. Keppt er á Nurburgring í Þýskalandi um næstu helgi, en það hefur rignt alla vikuna.

"Við greinum of mikið hvað við áttum að gera til að bæta bílinn. Nú verðum við bara að fara gömlu leiðina og kópera það sem önnur lið eru að gera og sjá hvort það virkar" sagði Marthin Whitmarsh hjá McLaren.

Liðið mun mæta með endurbættan framvæng og betri framfjöðrun sem hefur valdið vandræðunum á þessu ári. Svo mætir liðið með mjög breyttan bíl eftir mótið á Nurburgring.

"Það verður engin stórkostleg breyting á bílnum fyrir næsta mót, en við munum gera okkar besta á heimavelli Mercedes, þaðan sem silfurörvarnar frá fyrri tíð voru gerðar. Við höldum uppi merkinu eins og kostur er og ég vonast til að komast nær toppslagnum í næstu mótum", sagði heimsmeistarinn Lewis Hamilton.

Sjá brautarlýsingu frá Nurburgring