Rúrik fór meiddur af velli í jafntefli AGF og Viborg

Einn leikur var í dönsku úrvalsdeildinni í kvöld. AGF og Viborg gerðu markalaust jafntefli í fallbaráttuslag. Kári Árnason var í byrjunarliði AGF og Rúrik Gíslason í byrjunarliði Viborg.

Rúrik var besti leikmaður Viborg á fyrstu tuttugu mínútum leiksins en svo meiddist hann og þurfti að fara af velli. Kári er búinn að jafna sig af meiðslum og lék allan leikinn fyrir AGF.

Viborg er í fallsæti en liðið situr í næstneðsta sæti deildarinnar með 15 stig þegar 23 umferðir eru búnar. AGF er sæti ofar með 21 stig en talsvert langt er í liðin þar fyrir ofan.