Söngvari ársins

Högni Egilsson (Hjaltalín)

Raddbeiting Högna er mikilvægt krydd í tónlist Hjaltalíns og þessi sérstaka hljómsveit verður enn eftirtektarverðari vegna hennar. Högni er söngvari með áberandi karakter.

Mugison

Mugison syngur af algjörri innlifun og tilfinningar og geðsveiflur eiga sér greiða leið í gegnum barka hans. Hann var góður strax á fyrstu plötu en er kominn enn lengar á þessari þriðju. Óhamið náttúrubarn út í gegn.

Páll Óskar

Páll Óskar er einn af bestu söngvurum þjóðarinnar og er búinn að vera lengi. Það er ekki bara að röddin sé falleg, heldu er meðferð Páls á texta og tilfinning fyrir innihald hans áberandi góð, sem kemur einkar vel fram á Allt fyrir ástina.