Verðbólga í hæstu hæðum á evrusvæðinu

Verðbólga mælist 3,2 prósent á evrusvæðinu í þessum mánuði, samkvæmt bráðabirgðatölum Eurostat, hagstofu Evrópusambandsins. Verðbólga hefur aldrei verið meiri en nú og er hætt á stöðnun á evrusvæðinu, að sögn markaðsaðila.

Þetta er 0,1 prósenti yfir spám og 1,2 prósentustigum yfir verðbólgumarkmiðum evrópska seðlabankans, að sögn breska dagblaðsins Herald Tribune sem bætir því við að markaðsaðilar hafi reiknað með óbreyttri verðbólgu, 3,1 prósenti, auk þess sem svartsýni um horfur í efnahagslífinu hafi stóraukist.

Þrýst hefur verið á Jean-Claude Trichet, seðlabankastjóra evrópska seðlabankans, að feta í fótspor kollega hans hjá bandaríska seðlabankanum og lækka stýrivexti til að koma í veg fyrir efnahagskreppu. Hann hefur hins vegar þráast við á þeim forsendum að mikilvægara sé að halda verðbólgu niðri. 

Evrópusambandið hóf að verðbólgumælingar í janúar fyrir ellefu árum.