Sherlock Holmes verður hörkutól

„Ég er ekki kominn með neinn í hlutverk Watsons,“ sagði Guy Ritchie á heimsfrumsýningu RocknRolla, en á þar við næstu mynd sína um Sherlock Holmes. „Einhver sagði mér að ég væri kominn með Russell Crowe, en sá veit þá meira en ég. Mig grunar að það hafi ekki gerst og ég sé enn að leita að Watson.“

Robert Downey Jr. mun fara með hlutverk Holmes. „Hann er búinn að vera að æfa hvernig hann mun hljóma, hvernig hann mun líta út og hann er frekar spenntur,“ segir kona Roberts og framleiðandi myndarinnar, Susan.

Ritchie segir myndina leita í heim Sherlock Holmes-bókanna, en sagan sjálf er gerð sérstaklega fyrir myndina. „Við getum sagt það strax að Holmes mun vera alvöru hörkutól, eins og í gamla daga,“ segir Susan Downey.

- kbs