City hefur ekki áhuga á Ronaldo

Talsmaður Manchester City segir að félagið muni ekki bjóða brasilíska framherjanum Ronaldo samning eins og leikmaðurinn hefur gefið upp í viðtölum.

Ronaldo er með lausa samninga hjá AC Milan og hafði lýst því yfir að hann "hlakkaði til að spila með landa sínum Robinho" hjá City.

Ronaldo er 31 árs gamall og er á batavegi eftir stóran hnéuppskurð í febrúar sl.

Talsmaður City viðurkenndi að félagið hefði sýnt Ronaldo áhuga fyrir nokkru, en síðar ákveðið að hætta við að reyna að fá hann. Það mun hafa verið af ótta við heilsufar hans.