Birgir Leifur meðal neðstu manna

Birgir Leifur Hafþórsson lék á tveimur höggum yfir pari á þriðja keppnisdegi opna suður-afríska meistaramótsins í golfi.

Birgir Leifur lék á 74 höggum og er samtals á einu höggi yfir pari. Hann komst í gegnum niðurskurðinn í gær en er nú meðal neðstu manna af þeim sem léku í dag.

Aðeins fjórir kylfingar eru á samtals yfir pari vallarins eftir hringina þrjá.

Birgir Liefur fékk samtals þrjá fugla en fimm skolla í dag. Hann lék fyrri holurnar níu á 36 höggum en þær seinni á 38 höggum.