Ekki lesa þetta! Krepputal! Þráinn Bertelsson skrifar 6. október 2008 06:00 Eins og allir vita sem fylgjast með fréttatilkynningum frá landlæknisembættinu og heilsuverndarstofnunum getur sannleikurinn valdið bæði kvíða og áhyggjum, einkum meðal sauðsvarts almúgans. Því ber að varast fyrir ráðamenn þjóðarinnar og fjölmiðla að birta vondar og neikvæðar fréttir sem gera ekkert annað en að vekja óöryggi og kvíða hjá fólki sem þarf að einbeita sér að vinnu sinni og fylgjast með Britney Spears og bresku knattspyrnunni. Konum og börnum, öðrum aumingjum og hjartveiku fólki, einkum með fokdýra gangráða, er því bent á að hætta að lesa þessa grein NÚNA STRAX og snúa sér heldur að sjónvarpsdagskránni sem er að finna inni í blaðinu. Í þeirri bullandi kreppu því tímabundna óvissuástandi sem nú kaffærir þjóðina má sjá fregnir um í óvönduðum fjölmiðlum er svonefndur vinnustaðahúmor er sú olía það lífræna eldsneyti sem varast ber umfram allt að bæta á eld óttans. Því hefur verið ákveðið að niðurgreiða úr ríkissjóði verð á eyrnatöppum úr sílíkoni vaxi og bómull svo að viðkvæmar sálir þurfi ekki að heyra kaldlynd ruddamenni gantast með: Að fyrsta verk Alþingis til að sýna samstöðu og alvöru málsins ætti að vera að hætta að draga lappirnar af þvermóðskugræðgi og afnema eftirlaunaósómann reglur um eftirlaun þing- og embættismanna áður en leitað verður samráðs við kommúnistakommissarana forystumenn verkalýðshreyfingar og lífeyrissjóði. Það er að segja strax í dag. Að skipta um stjórn í Seðlabankanum eigi síðar en í dag og fela óspilltum fagmanni eins og prófessor Þorvaldi Gylfasyni húsverðinum að taka við lyklunum að sjoppunni. Að smala saman ofurlaunahyskinu og láta það skila aftur þeim peningum sem ekki hafa þegar farið í ofurneyslu og láta það standa í gapastokki á Austurvelli fram á Þorláksmessu. Að afnema verðbætur á skuldir nema laun verði einnig verðtryggð. Að taka upp Matadorspeninga og hefja nýja umferð í leiknum evru og ganga í Efnahagsbandalagið. Að opna sendiráð í Simbabve og Túrkmenistan. Að aðhafast ekkert. Láta eins og ekkert sé og vera bjartsýn. Þetta reddast einhvern veginn eins og venjulega. Viltu birta grein á Vísi? Sendu okkur póst. Senda grein Þráinn Bertelsson Mest lesið Sá tapar sem fyrstur nefnir nasistana: gengisfelling orðsins „rasisti“ Birgir Finnsson Skoðun Þegar þeir sem segjast þjóna þjóðinni ráðast á hana Ágústa Árnadóttir Skoðun Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun Raunir ríka fólksins og bænir þess Jónas Yngvi Ásgrímsson Skoðun Þjóð sem lætur kyrrt liggja? Magnús Árni Skjöld Magnússon Skoðun Óður til Sigga sjéní Ingvi Þór Georgsson Skoðun Talið við okkur áður en þið talið um okkur Ian McDonald Skoðun Umbætur í innkaupum hins opinbera á upplýsingatækni Lilja Björk Guðmundsdóttir Skoðun
Eins og allir vita sem fylgjast með fréttatilkynningum frá landlæknisembættinu og heilsuverndarstofnunum getur sannleikurinn valdið bæði kvíða og áhyggjum, einkum meðal sauðsvarts almúgans. Því ber að varast fyrir ráðamenn þjóðarinnar og fjölmiðla að birta vondar og neikvæðar fréttir sem gera ekkert annað en að vekja óöryggi og kvíða hjá fólki sem þarf að einbeita sér að vinnu sinni og fylgjast með Britney Spears og bresku knattspyrnunni. Konum og börnum, öðrum aumingjum og hjartveiku fólki, einkum með fokdýra gangráða, er því bent á að hætta að lesa þessa grein NÚNA STRAX og snúa sér heldur að sjónvarpsdagskránni sem er að finna inni í blaðinu. Í þeirri bullandi kreppu því tímabundna óvissuástandi sem nú kaffærir þjóðina má sjá fregnir um í óvönduðum fjölmiðlum er svonefndur vinnustaðahúmor er sú olía það lífræna eldsneyti sem varast ber umfram allt að bæta á eld óttans. Því hefur verið ákveðið að niðurgreiða úr ríkissjóði verð á eyrnatöppum úr sílíkoni vaxi og bómull svo að viðkvæmar sálir þurfi ekki að heyra kaldlynd ruddamenni gantast með: Að fyrsta verk Alþingis til að sýna samstöðu og alvöru málsins ætti að vera að hætta að draga lappirnar af þvermóðskugræðgi og afnema eftirlaunaósómann reglur um eftirlaun þing- og embættismanna áður en leitað verður samráðs við kommúnistakommissarana forystumenn verkalýðshreyfingar og lífeyrissjóði. Það er að segja strax í dag. Að skipta um stjórn í Seðlabankanum eigi síðar en í dag og fela óspilltum fagmanni eins og prófessor Þorvaldi Gylfasyni húsverðinum að taka við lyklunum að sjoppunni. Að smala saman ofurlaunahyskinu og láta það skila aftur þeim peningum sem ekki hafa þegar farið í ofurneyslu og láta það standa í gapastokki á Austurvelli fram á Þorláksmessu. Að afnema verðbætur á skuldir nema laun verði einnig verðtryggð. Að taka upp Matadorspeninga og hefja nýja umferð í leiknum evru og ganga í Efnahagsbandalagið. Að opna sendiráð í Simbabve og Túrkmenistan. Að aðhafast ekkert. Láta eins og ekkert sé og vera bjartsýn. Þetta reddast einhvern veginn eins og venjulega.
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun
Tómstunda- og félagsfræðinemar harma ákvörðun Akureyrarbæjar Hópur nemenda í tómstunda- og félagsmálafræði við HÍ Skoðun
Nefhjól á Austurvelli – Skiptir öryggi fólks á fjölmennasta svæði landsins ekki máli? Daði Rafnsson,Kristján Vigfússon,Margrét Manda Jónsdóttir,Martin Swift Skoðun
Miðjumoð í húsnæðismálum og áróður Viðskiptaráðs Jón Ferdínand Estherarson,Unnur Rán Reynisdóttir,Arnar Páll Gunnlaugsson Skoðun