Sörenstam að hætta

Sænska golfdrottningin Annika Sörenstam hefur tilkynnt að hún ætli að leggja kylfuna á hilluna eftir yfirstandandi keppnistímabil.

Hin 37 ára gamla Sörenstam segist ætla að einbeita sér að viðskiptum í framtíðinni og vill eignast fjölskyldu með unnusta sínum. Hún hefur þegar unnið þrjú mót á leiktíðinni í ár.

Sörenstam var einráð í kvennagolfinu á miðjum 10. áratugnum og vann þá m.a. 10 risatitla. Hún hefur átta sinnum verið útnefnd kylfingur ársins hjá LPGA og var vígð inn í heiðurshöllina árið 2003.