Abramovich setur Real Madrid afarkosti

Eftir því sem spænska dagblaðið Marca heldur fram í dag er þolinmæði Roman Abramovich, eiganda Chelsea, senn á þrotum hvað varðar áhuga félagsins á Robinho, leikmanni Real Madrid.

Wagner Ribeiro, umboðsmaður Robinho, lét hafa eftir sér í gær að búið væri að komast að samkomulagi um öll helstu atriði en Marca segir að Real Madrid eigi enn eftir að taka tilboði Chelsea. Það er talið nema 33 milljónum evra.

Abramovich er sagður reiðubúinn að hækka boð sitt í 37 milljónir en það sé lokatilboð hans.

„Annað hvort taka þeir tilboðinu eða þessu máli er lokið," er haft eftir talsmanni Abramovich.