Quaresma á leið til Inter

Gazzetta dello Sport segir Portúgalann Ricardo Quaresma á leið til Inter á Ítalíu á næstu tveimur sólarhringum.

Jose Mourinho, landi Quaresma og stjóri Inter, hefur verið á höttunum eftir miðvallarleikmanninum sterka í allt sumar en nú virðist loksins eitthvað ætla að gerast í þeim málum.

Félögin, Inter og Porto, hafa ekki náð saman um kaupverð en samkvæmt heimildum blaðsins er farið að þokast til í þeim efnum.

Porto vill 30 milljónir evra fyrir Quaresma en Inter er aðeins reiðubúið að greiða 20 milljónir. Gazzetta dello Sport segir að lendingin sé sú að Quaresma verði lánaður til Inter í eitt ár sem getur svo keypt hann á 25 milljónir punda.