Kristján vann eftir bráðabana

Kristján Þór Einarsson úr Kili í Mosfellsbæ varð Íslandsmeistari karla í holukeppni í Vestmannaeyjum eftir bráðabana og umspil. Hann vann Heiðar Davíð Bragason úr GR eftir þriggja holu umspil og bráðabana.

Björgvin Sigurbergsson úr GK var jafn Kristjáni og Heiðari eftir 72 holur, en Björgvin féll úr eftir umspilið. Kristján Þór vann síðan Heiðar á 2. holu í bráðabana, fékk fugl á meðan Heiðar varð að sætta sig við par.

Þeir léku því 77 holur í mótinu eins og Helena Árnadóttir úr GR og Nína Björk Geirsdóttir gerðu í kvennaflokki. Helena sigraði þar einnig á 2. holu í bráðabana eins og Kristján.

Þetta er eitt mest spennandi Íslandsmót sem fram hefur farið. Aldrei áður hefur mótið farið í umspil og bráðabana til að útkljá úrslit bæði í karla og kvennaflokki.

Það má segja að Kristján Þór hafi komið bakdyrameginn inn í toppbaráttuna. Heiðar Davíð, Björgvin og Ottó Sigurðsson voru búnir að vera mest í sviðsljósinu, en svo kom Kristján og stal af þeim senunni á réttum tímapunkti.

Hann lék frábært golf í dag við erfiðar aðstæður, kom inn á 69 höggum og endaði á samtals 4 höggum yfir pari eins og Björgvin og Heiðar sem voru að missa mörg högg í dag.

Af kylfingur.is