Torres ætlar ekki að sitja í VIP-inu

Fernando Torres hefur neyðst til að afþakka boð um að horfa á leik sinna manna í Liverpool gegn hans gamla félagi, Atletico Madrid, í lúxusstúkunni á Vincente Calderon-leikvanginum.

Torres missir af leiknum vegna meiðsla sem hann hlaut í landsleik Spánar og Belgíu en hann fór frá Atletico til Liverpool á síðasta ári.

En nú hefur komið í ljós að forráðamenn Liverpool telja það best að Torres verði eftir í Englandi. „Við ræddum við læknana og sjúkraþjálfarana og teljum það best að Fernando verði hér áfram og haldi áfram með endurhæfingu sína."