Birgir Leifur á einu höggi yfir pari í dag

Eiríkur Stefán Ásgeirsson skrifar 14. desember 2007 10:19

Birgir Leifur Hafþórsson kylfingur. Nordic Photos / Getty Images

Birgir Leifur Hafþórsson komst betur frá öðrum keppnisdegi en þeim fyrsta á South African Airways-mótinu í Suður-Afríku en tvísýnt er hvort hann kemst í gegnum niðurskurðinn.

Hann lék á einu höggi yfir pari í dag. Hann hóf leik á fyrstu braut í dag og náði strax fugli. Hann náði öðrum fugli á fjórðu braut en fékk svo skolla á þeirri níundu. Engu að síður góður árangur og lék hann fyrri níu á einu höggi undir pari.

En eins og í gær gekk honum verr á síðari níu holunum sínum. Hann byrjaði á tíunda teig í gær og gekk vel þá á 10.-18. holu en í dag sýndi hann ekki sama stöðugleika.

Hann byrjaði á því að fá tvo skolla. Birgir Leifur náði þó góðum fugli á 12. holu sem er par þrír en fékk svo skolla á þeirri næstu, par fimm. Þá komu þrjú pör, skolli og svo fugl á átjándu.

Sem stendur er hann í 76.-86. sæti á mótinu og því óljóst hvort hann komist í gegnum niðurskurðinn. Það kemur í ljós síðar í dag þegar allir kylfingar hafa lokið keppni.

Annar keppnisdagur: Einn yfir pari.

1. braut: Par 4 (390 metrar) - 3 högg (fugl)

2. braut: Par 4 (390 metrar) - 4 högg (par)

3. braut: Par 5 (570 metrar) - 5 högg (par)

4. braut: Par 3 (205 metrar) - 2 högg (fugl)

5. braut: Par 5 (485 metrar) - 5 högg (par)

6. braut: Par 4 (332 metrar) - 4 högg (par)

7. braut: Par 4 (390 metrar) - 4 högg (par)

8. braut: Par 3 (209 metrar) - 3 högg (par)

9. braut: Par 4 (431 metrar) - 5 högg (skolli)

Fyrri níu (par 36): 35 högg (einn undir pari)

10. braut: Par 4 (353 metrar) - 5 högg (skolli)

11. braut: Par 4 (403 metrar) - 5 högg (skolli)

12. braut: Par 3 (183 metrar) - 2 högg (fugl)

13. braut: Par 5 (531 metrar) - 6 högg (skolli)

14. braut: Par 4 (356 metrar) - 4 högg (par)

15. braut: Par 3 (196 metrar) - 3 högg (par)

16. braut: Par 4 (422 metrar) - 4 högg (par)

17. braut: Par 4 (405 metrar) - 5 högg (skolli)

18. braut: Par 5 (550 metrar) - 4 högg (fugl)