Tottenham bjargaði andlitinu

Margir forvitnilegir leikir voru á dagskrá í Uefa keppninni í knattspyrnu í kvöld. Tottenham náði að bjarga andlitinu gegn danska liðinu Álaborg og vinna 3-2 sigur eftir að hafa verið 2-0 undir á heimavelli í hálfleik.

Danska liðið var betri aðilinn í fyrri hálfleiknum og átti fyllilega skilð að fara með forystu til búningsherbergja. Juande Ramos knattspyrnustjóri hefur greinilega messað vel yfir sínum mönnum í hálfleiknum því það tók liðið ekki nema um fimm mínútur að jafna með mörkum frá Berbatov og Malbranque. Síðari hálfleikur var eign Tottenham og það var svo varamaðurinn Darren Bent sem tryggði liðinu 3-2 sigur og efsta sætið í riðlinum.

Þá þurfti Bolton að sætta sig við 1-1 jafntefli á heimavelli gegn gríska liðinu Aris Salonika þar sem Stelios Giannakopoulos skoraði jöfnunarmark liðsins í uppbótartíma.

Hér fyrir neðan eru úrslit allra leikja í Uefa keppninni í kvöld.

A-riðill

Zenit Petersburg 2 - Nurnberg 2

AZ Alkmaar 1 - Larisa 0

* Grétar Rafn Steinsson var í byrjunarliði AZ Alkmaar

B-riðill

Lokomotiv Moskva o - FC Kaupmannahöfn 1

Atletico Madrid 2 - Aberdeen 0

C-riðill

Elfsborg 1 - Mlada Boleslav 3

AEK Aþena 1 - Fiorentina 1

D-riðill

HSV 3 - Rennes 0

Brann 2 - Dinamo Zagreb 1

*Ólafur Örn Bjarnason skoraði fyrra mark Brann úr víti. Ármann Smári Björnsson kom inn sem varamaður í lokin hjá Brann.



E-riðill

Sparta Prag 0 - Spartak Moskva 0

Zurich 2 - Tolouse 0



F-riðill

Bolton 1 - Aris Saloniki 1

Braga 1 - Bayern Munchen 1



G-riðill

Getafe 1 - Hapoel Tel Aviv 2

Tottenham 3 - Álaborg 2

H-riðill

Panionios 0 - Galatasaray 3

Helsingborg 3 - Austria Vín 0

* Ólafur Ingi Skúlason skoraði fyrsta mark Helsingborg í leiknum.