Ari Freyr semur við Sundsvall

Ari Freyr Skúlason hefur skrifað undir þriggja ára samning við sænska úrvalsdeildarfélagið Sundsvall og fer þangað frá Häcken sem leikur í 1. deildinni.

Carl Fhager, yfirmaður íþróttamála hjá Häcken, staðfesti þetta í samtali við Dagbladet í Svíþjóð í dag en hann verður kynntur formlega á blaðamannafundi síðar í dag.

„Hann á eftir að gleðja marga stuðningsmenn Sundsvall," sagði Fhager.

Sundsvall lenti í þriðja sæti 1. deildarinnar í haust og vann sér þar með sæti í úrvalsdeildinni. Häcken lenti í fjórða sæti, stigi á eftir Sundsvall. 

Vísir greindi frá áhuga Sundsvall á Ara Frey fyrir nokkru síðan.