Birgir Leifur á tveimur undir í dag

Birgir Leifur Hafþórsson er meðal efstu manna á lokaúrtökumótinu fyrir Evrópumótaröðin á Spáni en hann lék á tveimur höggum undir pari vallarins í dag.

Samtals er hann á þremur undir pari eftir fyrstu tvo keppnisdagana og stendur vel að vígi fyrir framhaldið. Þrjátíu efstu kylfingarnir tryggja sér á endanum þátttökurétt á Evrópumótaröðinni á næsta ári. 

Birgir Leifur lék í dag á nýja vellinum á svæði San Roque-klúbbsins á Spáni en hann keppti á eldri vellinum í gær.

10.40

Hann fékk örn strax á annarri braut sem er næstlengsta braut vallarins. Hann fór inn á flöt í tveimur höggum og setti niður laglegt pútt í kjölfarið. Er í 7.-15. sæti sem stendur.

10.55

Birgir Leifur fékk fyrsta skolla dagsins á fjórðu holu. Rétt missti af parinu.

10.58

Öruggt par á fimmtu braut.

11.25

Birgir Leifur nældi sér í fugl á sjöttu braut og er nú á samtals þremur höggum undir pari. Sem stendur er hann í 6.-17. sæti á mótinu.

12.12

Annar fugl kom í kjölfarið á sjöundu braut og svo lék hann áttundu og níundu braut á pari. Frábær árangur hjá Birgi Leif sem situr í 3.-7. sæti sem stendur.

12.28

Birgir Leifur byrjaði seinni níu með því að leika tíundu brautina á einu höggi yfir pari.

12.45

Birgir Leifur var nálægt því að ná fugli á elleftu braut en varð að sætta sig við par.

13.01

Par á tólftu braut og Birgir Leifur heldur sínu striki. Hann er sem stendur í 8.-15. sæti.

13.12

Stysta braut vallarins og átti Birgir Leifur ágætan möguleika á fugli en fékk þess í stað öruggt par.

13.26

Fjórða parið í röð hjá Birgi Leifi er staðreynd. Hann heldur sínu striki.

13.51

Birgir Leifur reddaði pari á fimmtándu holu eftir að hafa lent í hremmingum á brautinni. Hann er sem stendur í 11.-16. sæti.

14.11

Sjötta parið í röð komið hjá Birgi Leifi á stuttri par fimm braut.

14.26

Nú er aðeins ein braut eftir en Birgir Leifur náði pari á þeirri sautjándu. Um er að ræða par 3 holu en Birgir Leifur hefur áður fengið skolla og par á slíkum holum.

14.39

Birgir Leifur hefur lokið keppni á tveimur undir pari eftir að hafa fengið par á síðustu holunni, sitt áttunda par í röð. Sem stendur er hann í 13.-17. sæti en einhverjir kylfingar eiga eftir að koma í hús sem gæti breytt lokastöðu dagsins.

Fylgst var með gangi mála, holu fyrir holu, á kylfingur.is.

Annar keppnisdagur: 2 undir pari

1. braut: Par 4 (407 metrar) - 4 högg (par)

2. braut: Par 5 (503 metrar) - 3 högg (örn)

3. braut: Par 4 (339 metrar) - 4 högg (par)

4. braut: Par 3 (177 metrar) - 4 högg (skolli)

5. braut: Par 4 (346 metrar) - 4 högg (par)

6. braut: Par 4 (331 metri) - 3 högg (fugl)

7. braut: Par 5 (523 metrar) - 4 högg (fugl)

8. braut: Par 3 (205 metrar) - 3 högg (par)

9. braut: Par 4 (395 metrar) - 4 högg (par)

Fyrri níu: (Par 36) 33 högg, þremur höggum undir pari.

10. braut: Par 4 (341 metri) - 5 högg (skolli)

11. braut: Par 5 (565 metrar) - 5 högg (par)

12. braut: Par 4 (311 metrar) - 4 högg (par)

13. braut: Par 3 (167 metrar) - 3 högg (par)

14. braut: Par 4 (416 metrar) - 4 högg (par)

15. braut: Par 4 (417 metrar) - 4 högg (par)

16. braut: Par 5 (457 metrar) - 5 högg (par)

17. braut: Par 3 (196 metrar) - 3 högg (par)

18. braut: Par 4 (414 metrar) - 4 högg (par)

Seinni níu: (Par 36) 37 högg, einu höggi yfir pari

Fyrsti keppnisdagur: 71 högg (einn undir pari vallarins)

Samtals: Þrír undir pari (13.-17. sæti)

Alls hófu 156 kylfingar leik í gær en þeir sem lenda í efstu 30 sætunum eftir sex hringi fá þátttökurétt á Evrópumótaröðinni á næsta ári.