Eiður verður á bekknum

Eiður Smári Guðjohnsen verður líklega á varamannabekk Barcelona í kvöld þegar liðið tekur á móti Glasgow Rangers í Meistaradeildinni. Leikurinn verður sýndur beint á Sýn í kvöld klukkan 19:45.

Barcelona stillir upp mjög sókndjörfu liði í kvöld ef marka má fyrstu fréttir frá Spáni. Lið Barcelona verður væntanlega þannig skipað.

Markvörður: Valdés

Vörn: Puyol, Thuram, Milito og Abidal.

Miðja: Xavi, Yaya Toure og Iniesta

Framlína: Messi, Henry og Ronaldinho

Varamenn: Eiður Smári, Bojan, Giovani, Sylvinho, Marquez, Oleguer og Jorquera.