Lilleström fór létt með Rosenborg

Lilleström kom sér upp í annað sæti norsku úrvalsdeildarinnar í dag með 4-1 sigri á Rosenborg.

Liðið á í mikilli samkeppni við Stabæk og Viking um annað sæti deildarinnar en síðarnefndu liðin mætast í lokaleik 24. umferðar á morgun.

Viktor Bjarki Arnarsson sat allan tímann á varamannabekk Lilleström.

Tromsö og Stromsgodset gerðu 2-2 jafntefli. Hörður Sveinsson kom inn á sem varamaður hjá Tromsö.

Jóhannes Þór Harðarson var ekki í leikmannahópi Start sem tapaði, 2-0, fyrir Odd Grenland á útivelli.

Gunnar Heiðar Þorvaldsson og Árni Gautur Arason léku allan leikinn fyrir Vålerenga sem tapaði fyrir Lyn á útivelli, 3-1.

Þá lék Garðar Jóhannsson allan leikinn með Fredrikstad sem vann Sandefjord, 2-0. Guðmundur Pétursson kom inn á hjá Sandefjord í hálfleik.