Hagvöxtur umfram væntingar í Bandaríkjunum

Hagvöxtur jókst um fjögur prósent í Bandaríkjunum á öðrum ársfjórðungi, samkvæmt nýbirtum tölum bandaríska viðskiptaráðuneytisins. Hann hefur ekki verið meiri í rúmt ár. Til samanburðar nam hann einungis 0,6 prósentum á fyrstu þremur mánuðum ársins. Þetta er 0,6 prósentum meira en viðskiptaráðuneytis hafði búist við.

Þetta er engu að síður örlítið undir væntingum greinenda, sem gerðu ráð fyrir 4,1 prósents hagvexti á tímabilinu, að sögn fréttaveitu Bloomberg.

Aukinn útflutningur og fjárfestingar fyrirtækja leiða vöxtinn.

Bloomberg hefur eftir hagfræðingi hjá bandaríska fjárfestingabankanum Goldman Sachs, að góður gangur hafi verið í hjólum efnahagslífsins þegar samdráttar á bandarískum fasteignalánamarkaði tók að gæta að ráði seint í júlí. Goldman Sachs gerir ráð fyrir því að samdrátturinn geti dregið úr vexti einkaneyslu vestanhafs og muni hann nema 1,4 prósent á ársgrundvelli. Gangi það eftir verður þetta minnsti vöxtur einkaneyslu á árinu.