AC Milan byrjar án Ronaldo

Evrópumeistarar AC Milan þurfa líklega að byrja tímabilið á Ítalíu án sóknarmannsins Ronaldo. Þessi brasilíski snillingur á við meiðsli að stríða og hefur lítið sem ekkert getað æft undanfarnar vikur. Ólíklegt er að hann verði tilbúinn í slaginn á sunnudag þegar Milan mætir Genoa í fyrsta leik sínum á tímabilinu.

Búist er við að Ronaldo verði tilbúinn í þriðju umferð þegar AC Milan mætir Siena, 16. september. Líklegt er að hann missi af Super-Cup leiknum gegn Sevilla.