Golf

Besti hringurinn hjá Birgi til þessa

Mynd/Eiríkur
Birgir Leifur Hafþórsson átti ljómandi góðan hring á Opna austurríska mótinu í Vínarborg í dag en hann hóf keppni í morgun og lék þriðja hringinn á 68 höggum. Birgir er því á fjórum höggum undir pari að loknum þremur keppnisdögum. Hann lék fyrsta hringinn í mótinu á einu höggi undir pari og annan hringinn fór hann á pari.

Birgir fékk sex fugla í dag, þrjá skolla og níu pör og er nú í 28. sæti í mótinu eftir frábæra spilamennsku á þessum þriðja hring. Birgir lék fyrri níu holurnar á 32 höggum en síðari níu á 36 höggum en lengsta drævið hans í dag var 282,5 metrar.

Birgir var að pútta mun betur í dag en hann hefur gert síðustu tvo keppnisdaga en hann þurfti aðeins 29 pútt í dag samanborið við 34 pútt fyrsta daginn og 31 pútt í gær og þá þrípúttaði hann aldrei.

Martin Erlandsson og Richard Green eru efstu menn í mótinu, báðir á 11 höggum undir pari.

Frétt af kylfingur.is 

Golf

Mest lesið


Fleiri fréttir

Sjá meira


×

Mest lesið