Diddi Bárðar sigraði tvöfalt í dag í Meistaradeild VÍS

Sigurbjörn Bárðarson sigraði tvöfalt í dag þegar hann vann gæðingaskeiðið og 150 m skeiðið í Meistaradeild VÍS sem haldin var að þessu sinni á Gaddstaðaflötum á Hellu. Það var kalt í veðri og rigningin lét sig ekki vanta en það fékk ekkert á knapa og hesta og var keppnin hörð í báðum greinum.

Sigurbjörn reið Flosa frá Keldudal til sigurs í gæðingaskeiðinu en Neisti frá Miðey kom honum í fyrsta sætið í 150 m skeiði. í 2. til 3. sæti urðu þeir Haukur Baldvinsson og Falur frá Þingeyrum og Sigurður Vignir Matthíasson og Birtingur frá Selá og þurfti að kasta upp á hver færi í hvaða sæti og hafnaði Haukur í því öðru og Sigurður í því 3.

Í 150 m skeiði sigraði Sigurbjörn Bárðarson eins og áður sagði en Sigurður Sigurðsson á Óðni frá Efsta-Dal var samferða honum úr forkeppninni þar sem þeir tveir voru efstir og þurftu ekki að ríða milliriðil en Sigurður og Óðinn láu ekki í úrslitasprettinum og duttu þeir því niður í 3. sætið. Í öðru sæti varð Hulda Gústafsdóttir á Ölfusbleik frá Skjálg og í því 4. Jóhann G. Jóhannesson á Ákafa frá Lækjarmótum.

Keppnin verður komin inn á Vef TV Hestafrétta síðar í kvöld. Meðfylgjandi eru úrslit mótsins.

ÚRSLIT Í GÆÐINGASKEIÐI:

1. Sigurbjörn Bárðarson og Flosi frá Keldudal

2. Haukur Baldvinsson og Falur frá Þingeyrum

3. Sigurður V. Matthíasson og Birtingur frá Selá

4. Sigurður Sigurðarson og Drífa frá Hafsteinsstöðum

5. Viðar Ingólfsson og Gammur frá Skíðbakka

6. Páll Bragi Hólmarsson og Kjói frá Stóra-Vatnsskarði

7. Hulda Gústafsdóttir og Saga frá Lynghaga

8. Ríkharður Flemming Jensen og Sölvi frá Tjarnarlandi

9. Valdimar Bergstað og Glaumur frá Torfufelli

10. Atli Guðmundsson og Garpur frá Tjaldhólum

11. Eyjólfur Þorsteinsson og Tralli frá Kjartansstöðum

ÚRSLIT Í 150 M SKEIÐI :

1. Sigurbjörn Bárðarson og Neisti frá Miðey

2. Hulda Gústafsdóttir og Ölfusbleikur frá Skjálg

3. Sigurður Sigurðarson og Óðinn frá Efsta-Dal

4. Jóhann G. Jóhannesson og Ákafi frá Lækjarmótum

5. Sigurður V. Matthíasson og Snilld frá Gyllistöðum

6. Vignir Siggeirsson og Pjakkur frá Bakkakoti

7. Þorvaldur Árni Þorvaldsson og Staðreynd frá Ketilsstöðum

8. Haukur Baldvinsson og Veigar frá Varmalæk

9. Sölvi Sigurðsson og Dalla frá Dallandi

10. Ríkharður Flemming Jensen og Sölvi frá Tjarnarlandi