Tóti á Ístölt

Tvöfaldur Íslandsmeistari keppir á Ístölti 2007 Þórarinn Eymundsson og Kraftur frá Bringu munu mæta á Ístölt 2007. Þeir eru tvöfaldir Íslandsmeistarar frá því í fyrra. Tóti og Kraftur hömpuðu Íslandsmeistaratitli í tölti og fimmgangi.

Einstakur  árangur hjá þeim. Þórarinn var einnig valin íþróttamaður ársins 2006. Hér er alveg magnað par á ferðinni. Frábær hestur og snilldar knapi.

Mikil stemning er fyrir Ístöltinu um helgina. Í ár er haldið uppá 10 ára afmæli Ístölts og verður mótið hið glæsilegasta. Miðasalan er í fullum gangi en miðar eru seldir hjá Ístölti í Bæjarlind 2 í Kópavogi og einnig hjá Baldvin og Þorvaldi á Selfossi.