Björgólfs-feðgar á Forbes lista

Björgólfur Thor Björgólfsson er í 249. sæti á lista Forbes tímaritsins yfir ríkustu menn heims á síðasta ári, og eru eignir hans metnar á 235 milljarða króna. Hann færist upp um heil hundrað sæti frá árinu áður. Faðir hans, Björgólfur Guðmundsson er í 799 sæti og eru eignir hans metnar á rúma 80 milljarða króna. Fleiri Íslendingar komast ekki á listann.

Bill Gates toppar listann eins og mörg undanfarin ár. Tæplega þúsund manns eru á listanum, sem nær til manna, sem eiga einn milljarð bandaríkjadala eða meira.