Skuldadagar

Söguhetja Skuldadaga er Matti, hálflánlaus náungi, sem ætlar þó svo sannarlega að kippa sínu í lag. Hann þarf bara smá tíma og smá pening. Þegar hann vaknar á föstudagsmorgni og uppgötvar að honum hefur, fyrir undarlega slysni, tekist að glata fíkniefnum sem honum var falið að selja, verður eigandinn ekki glaður. Nú þarf Matti á allri sinni snilligáfu að halda til að koma sér úr vandræðunum. Hann þarf að finna efnin, rukka inn skuldir, forðast handrukkarar og mæta í lambalæri hjá mömmu, allt á einu bretti, og helgin er bara rétt að byrja...

Jökli Valssyni hefur tekist að spinna bráðlifandi og grátbroslega lýsingu á raunum ungs gæfulauss einstaklings, sem þráir hið ljúfa líf og skjótfenginn gróða en uppsker ekkert nema vandræði sem vinda upp á sig þar til uppgjör er óumflýjanlegt. Jökull vakti mikla athygli fyrir sína fyrstu skáldsögu, hrollvekjuna Börnin í Húmdölum, og kemur nú á óvart með kraftmikilli samtímasögu úr Reykjavík.

"Bráðskemmtileg bók sem heldur fínu jafnvægi milli tilgerðarleysis og húmors." Mbl. 3. nóv

"Spennandi afþreying þar sem hraðinn er í fyrirrúmi" Þórunn Hrefna, Víðsjá, 22. nóv

Það er Bjartur sem gefur þessa bók út í kilju.