Ungur drengur stunginn til bana í Svíþjóð

Sjö ára drengur var stunginn til bana við skóla í Norrahammar suður af Jönköping í Suðurhluta landsins. Maður á þrítugsaldri hefur verið handtekinn grunaður um morðið, en hann mun hafa stungið drenginn margsinnis með hníf.

Atvikið átti sér stað rétt eftir hádegið í dag. Maðurinn sem var handtekinn á heimili sínu skammt frá skólanum var dæmdur til vistunar á geðdeild árið 2004 fyrir líkamsárás en var útskrifaður í nóvember á síðasta ári.

Árásin virðist hafa verið tilhæfulaus.