Stallone í kynlífsbann

Sylvester Stallone hefur upplýst leyndarmálið á bakvið dúndur hnefahögg og góða frammistöðu í nýjustu myndinni um Rocky Balboa, sem er sjötta og síðasta Rocky myndin. Stallone fór í kynlífsbindindi á meðan tökum myndarinnar stóð.

Hann sagði: "Þegar þú ert sextugur hefurðu ekki eins mikla orku og þú hafðir þegar þú varst þrítugur."

Stallone sagði kynlífsbindindi alls ekki svo erfitt og þekkt væri að það gæti bætt frammistöðu í íþróttum og kvikmyndum.

Stallone hefur líklega ekki alltaf farið í bindindi við gerð fyrri mynda sinna. Hann hefur tvisvar sinnum verið tilnefndur til Razzie verðlaunanna, sem veita verðlaun fyrir verstu frammistöðu í kvikmyndum.